Jorj Meyson universiteti biologiya kafedrasi dotsenti Deniyel Hanli olimlarni uzoq yillardan buyon hayvonlar dunyoni qanday ko‘rishi o‘ylantirib kelganini ma’lum qildi.

Hanlining qo‘shimcha qilishicha, hayvonlar ko‘pincha harakatlanuvchi obyektlardan foydalangan holda muhim maqsadli qarorlar qabul qilishadi.

Yangi kamera tizimi ularning harakatlarini to‘rt xil kanallar: ko‘k, yashil, qizil va ultrabinafsha ranglarda yozib oladi. Keyin mutaxassislar hayvonlarning ko‘zlaridagi yorug‘lik retseptorlari o‘rnatilgan kameralarni ishlab chiqishdi. Ular ko‘rgan narsalarining aniq tasvirini yaratadi.

“Kamera tizimi va u bilan bog‘liq dasturiy taʼminot to‘plami hayvonlarning dinamik xulq-atvor displeylarida ranglardan qanday foydalanishi, tabiiy yorug‘lik idrok etadigan ranglarni qanday o‘zgartirishi va mos vositalar yo‘qligi sababli haligacha hal etilmagan boshqa savollarni o‘rganishga imkon beradi”, deb yozadi tadqiqotchilar.

Texnologiya Buyuk Britaniyaning Sasseks universiteti va AQShning Jorj Meyson universiteti qoshidagi Hanley rang laboratoriyasi tadqiqotchilari tomonidan ishlab chiqilgan. U har kim sotib olishi mumkin bo‘lgan kameralar, ochiq kodli dasturiy taʼminot va butun dunyo bo‘ylab qiziqqan odamlarga hayvonlar ko‘rgan narsalarni qayta yaratishga imkon berish uchun 3D formatdan foydalanadi.

• Kashfiyot
• texnologiya