O‘zbekistonda “tonirovka” uchun ruxsatnomani 1-iyuldan my.gov.uz portali orqali navbatlarsiz olish imkoniyati paydo bo‘ldi.

Yagona interaktiv davlat xizmatlari portali ruxsatnoma portal orqali rasmiylashtirilsa, 10 foizlik chegirma (2 million 160 ming so‘m bo‘ladi) berilishini ma’lum qildi va uni olish tartibini e’lon qildi.

Ma’lum uchun, 2022-yil 1-iyuldan boshlab yengil avtotransport vositalarining orqa yon oynalari tusini o‘zgartirish (qoraytirish) uchun ruxsatnoma olish tartibi bekor qilindi.

Xususan, jismoniy va yuridik shaxslarning yengil avtotransport vositalari old yon oynalari tusini o‘zgartirishga (qoraytirishga) ruxsatnoma berganlik uchun to‘lov miqdori bazaviy hisoblash miqdorining sakkiz baravari (2,4 million so‘m) etib belgilandi.

Ta’kidlash joiz, “Tonirovka” uchun ruxsatnomani Yagona interaktiv davlat xizmatlari portali bilan bir qatorda ichki ishlar organlari yo‘l harakati xavfsizligi bo‘linmalari tomonidan ham olish mumkin.

• O‘zbekiston
• Tonirovka