Bugun, 11-noyabr kuni Samarqand shahrida bo‘lib o‘tayotgan Turkiy davlatlar tashkiloti sammiti doirasida yuqori martabali mehmonlarni taqdirlash marosimi o‘tkazilmoqda.
O‘zbekiston Prezidenti Shavkat Mirziyoyev Turkiya yetakchisi Rajab Toyyib Erdo‘g‘an hamda Turkmaniston Milliy Kengashi Xalq Maslahati raisi Gurbanguli Berdimuhamedovni “Turkiy dunyoning oliy ordeni” bilan mukofotladi.
“Xurmatli Rajab Toyyib Erdo‘g‘an sizga taqdim etilayotgan yuksak orden turkiy oilamiz jipsligi va ahilligini, uning yanada hamjihatligini kuchaytirish borasidagi xizmatlaringizning amaliy eʼtirofi, desam, ayni haqiqatni aytgan bo‘laman. Sizni ushbu oliy mukofot bilan anjumanimizning barcha ishtirokchilari nomidan samimiy tabriklayman”, — deydi Shavkat Mirziyoev.
"Turkiy dunyoning oliy ordeni" — turkman xalqiga berilgan mukofotdir. Biz TDTni merosimizni asrab qolishga qilayotgan harakati uchun qadrlaymiz", — deydi Berdimuhamedov.
Shuningdek, marhum atoqli adib Chingiz Аytmatov Turk dunyosi birligini taʼminlashga qo‘shgan hissasi uchun Аlisher Navoiy nomidagi xalqaro mukofot bilan taqdirlandi.
Ushbu xalqaro mukofotni Qirg‘iz Respublikasi Prezidenti Sadir Japarov qabul qilib oldi.
“Chingiz Аytmatov oramizda yo‘q, mukofotni uning oilasiga beramiz. Mukofot Аytmatov muzeyiga joylashtiriladi”, — dedi Sadir Japarov.
Qayd etish kerakki, ushbu mukofot 2019-yildan beri sammit ishtirokchilariga topshirib kelinadi. Bokuda o‘tkazilgan sammitda Ozarbayjon prezidenti Ilhom Аliev Qozog‘istonning birinchi prezidenti Nursulton Nazarboevga ushbu ordenni topshirgan edi.
2021-yilda esa Turkiya prezidenti Ozarbayjon yetakchisini ayni orden bilan mukofotlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!