Isroil Bosh vaziri Binyamin Netanyaxu Eron xalqiga videomurojaat qilib, Isroil Tehron bilan “ziddiyat istamasligini” va go‘yoki barcha mojarolar Eron hukumati tomonidan qo‘zg‘atilganligini aytib o‘tgan.

Videoxabar Isroil bosh vaziri idorasi tomonidan tarqatilgan.

U Isroil va “erkin dunyoning boshqa mamlakatlari” Eron xalqini qo‘llab-quvvatlashini bildirgan. Isroil bosh vazirining so‘zlariga ko‘ra, 1-oktyabrda Isroilga bo‘lgan raketa hujumi Tehron uchun 2,3 milliard dollarga tushgan.

“Isroilga qilinadigan yana bir hujum Eron iqtisodiyotiga milliardlab dollar zarar keltiradi. Bilaman, ko‘pchiligingiz urushni xohlamaysiz. Men ham bu urushga qarshiman. Isroil xalqi bu urushni istamaydi”, – deya ta’kidlagan siyosatchi eronliklarga murojaatda.

Bu Netanyaxuning so‘nggi oylarda eronliklarga qilgan ikkinchi murojaatidir.

• Binyamin Netanyaxu
• Eron
• Isroil