Eron Futbol federatsiyasi FIFA bilan 2026-yilgi Jahon chempionati guruh bosqichi o‘yinlarini AQShdan Meksikaga ko‘chirish bo‘yicha muzokaralar olib bormoqda. Bu haqda Eronning Meksikadagi elchixonasi xabar berdi.
“Tramp Eron terma jamoasining xavfsizligini kafolatlay olmasligini aniq bildirganligi sababli biz AQShga bormaymiz. Shu bois FIFA bilan Jahon chempionati o‘yinlarini Meksikada o‘tkazish bo‘yicha muzokaralar olib bormoqdamiz”, – deya bayonot berdi Eron futbol federatsiyasi prezidenti Mehdi Toj.
Avvalroq Eron sport vaziri Ahmad Donyamali mamlakatdagi geosiyosiy vaziyatni inobatga olib, Eron terma jamoasining Qo‘shma Shtatlardagi turnirda ishtirok etishi qiyinligini ma’lum qilgandi. Biroq AQSh prezidenti Donald Tramp tomonidan berilgan “Eronning turnirda ishtirok etishi noo‘rinligi” haqidagi bayonotidan so‘ng Donyamali Eronni Jahon chempionatidagi ishtirokini hech kim taqiqlashi mumkin emasligini bildirdi.
Ma’lumot uchun, 2026-yilgi Jahon chempionati ilk bor 48 ta terma jamoa ishtirokida o‘tkaziladi. Musobaqa 11-iyundan 19-iyulgacha davom etadi. Turnir AQSh, Kanada hamda Meksikada bo‘lib o‘tadi.
Eron “G” guruhidan joy olgan bo‘lib, unda Belgiya, Misr va Yangi Zelandiya bilan birga o‘ynaydi. Guruh o‘yinlarining barchasi AQShda o‘tkazilishi rejalashtirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!