O‘zbekiston Respublikasi Milliy statistika qo‘mitasi ma’lumotlariga ko‘ra, 2025-yilda O‘zbekistonda 879 599 ta tirik tug‘ilish holatlari qayd etilgan. Ushbu ko‘rsatkich mamlakatda demografik o‘sish sur’atlari barqaror davom etayotganini ko‘rsatadi.

Statistik ma’lumotlar shuni ko‘rsatadiki, O‘zbekistonda ayollarning asosiy qismi 25–39 yosh oralig‘ida ona bo‘lmoqda. Bu yosh toifasi jami tug‘ilishlarning yarmidan ko‘pini tashkil etadi. Mutaxassislar fikricha, aynan shu davr ayollar uchun ijtimoiy, iqtisodiy va sog‘liq nuqtayi nazaridan farzand ko‘rish uchun nisbatan qulay hisoblanadi.

Shuningdek, 25 yoshgacha bo‘lgan ayollar orasida ham tug‘ilishlar salmoqli ulushni tashkil etmoqda. Bu ko‘rsatkich mamlakatda yosh oilalar soni yuqori ekanini ko‘rsatadi.

40 yosh va undan katta ayollar orasida esa tug‘ilishlar ulushi ancha kam bo‘lib, umumiy tug‘ilishlarning atigi 1,4 foizini tashkil qilgan.

Umuman olganda, statistik ma’lumotlar O‘zbekistondagi demografik jarayonlarda 25–39 yosh oralig‘i eng faol reproduktiv davr bo‘lib qolayotganini ko‘rsatmoqda.

• Chaqaloq
• statistika
• tug'ilish