Ruminiya, Ozarbayjon va Gruziya hukumati “Eurovision” tanlovi tashkilotchilarini natijalarni soxtalashtirishda ayblamoqdalar. Ularning fikriga koʻra, ballar almashtirib qoʻyilgan, Ruminiya, Ozarbayjon va Gruziyadan kelgan hakamlarning pozitsiyasi hisobga olinmagan.

Ruminiya delegatsiyasi rahbari Yuliana Marchukning aytishicha, hakamlar hayʼati eng yuqori ballni Moldaviyaga qoʻygan. Ruminiyalik hakamlar tomonidan qoʻyilgan ballar esa natijani hisoblash vaqtida butunlay oʻzgartirib ketgan. Oxir-oqibatda Ruminiya vakillari Moldaviyaga umuman ball bermagan boʻlib chiqqanlar.

Ozarbayjonlik vakillar esa Ukraina uchun ovoz berishgan, ammo tashkilotchilar ushbu 12 ballni Buyuk Britaniyaga oʻtkazib yuborishgan. Mazkur holatni esa efir vaqtidagi texnik nosozliklar bilan izohlaganlar.

Gruziya ham Ukraina uchun 12 ball bergan, ammo maxsus jadvalda ballar Buyuk Britaniya hisobiga oʻtib qolgan.

Eslatib oʻtamiz, “Eurovision-2022” tanlovida birinchi oʻrinni 631 ball bilan Ukraina vakillari qoʻlga kiritgan edilar. Ikkinchi oʻrinni Buyuk Britaniya, uchinchi oʻrinni Ispaniya vakillari band etishgan.

• Madaniyat
• San’at
• Shou-biznes
• qiziqarli
• tanlov