“Everton” rahbariyati ayni paytdagi jamoa bosh murabbiyi Frenk Lempardning qo‘l ostida klubni muvaffaqiyatsizliklaridan charchashdi. The Sun nashrining xabar berishicha, klub angliyalik murabbiyni ishdan bo‘shatmoqchi va uning o‘rnini egallashi mumkin bo‘lgan bir nechta nomzodlar ham mavjud.

 MLSning “DS Yunayted” klubi murabbiyi Ueyn Runi, “Seltik” jamoasi ustozi Anje Pastego‘g‘lu hamda hozirda ishsiz bo‘lgan Shon Daych va Roberto Martines “Everton”ning keyingi murabbiyi bo‘lish uchun nomzodlar qatorida.

Frenk Lempard 2022-yilning yanvar oyidan buyon Mersisayd klubi murabbiyi sifatida ish faoliyatini olib bormoqda edi.  Tomonlar imzolagan shartnoma 2024-yil yoziga qadar mo‘ljallangan.

Jpriy mavsumda “Everton” APLda jon saqlash uchun kurashmoqda. 18 turdan so’ng jamoa 15 ochko bilan 18-o‘rinni egallab turibdi.

• APL
• Transferlar