Isroil 2023-yil 7-oktyabrdan boshlab 250 mingdan ortiq gumanitar yordam yuk mashinalarining G‘azoga kirishini to‘sib qo‘ygan. Bu haqda Anadolu ma’lum qilmoqda. Qayd etilishicha, oziq-ovqat va bolalar oziq-ovqat mahsulotlarini olib kirishni to‘sib qo‘ygan Isroil shu tariqa G‘azo sektoridagi tinch aholiga nisbatan ochlik inqirozini qurol sifatida ishlatmoqda.
G‘azo hukumati matbuot xizmatining xabar berishicha, Tel-Aviv ma’muriyati Falastin eksklavining shimolidagi Jebaliya hududida G‘azo sektoriga qo‘yilgan ocharchilik inqirozini davom ettirmoqda.
“Oziq-ovqat va bolalar oziq-ovqat mahsulotlarini olib kirishni blokirovka qilish orqali Isroil tinch aholiga yuklangan ochlik inqirozini vosita sifatida ishlatmoqda. Bu ham insoniyatga qarshi jinoyatdir”, – deyiladi xabarda.
Falastin hukumati G‘azo sektoridagi 2,4 million falastinliklarga qarshi “xalqaro hamjamiyat va dunyo mamlakatlarining ushbu dahshatli jinoyat haqidagi sukutlarini tushuna olmasligini” ta’kidlagan.
Ta’kidlanishicha, 2023-yil 7-oktyabrdan boshlab Isroilning G‘azo sektoriga hujumlari qurbonlari 42 718 nafar falastinlik, jumladan, 17 mingga yaqin bola va 11 378 nafar ayol bo‘ldi. Bundan tashqari, 100 282 nafar eksklav aholisi yaralangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!