2024-yilning 20-oktyabr kuni ijtimoiy tarmoqlarda Sirdaryo viloyati Sirdaryo tumani “Taraqqiyot” mahallasida joylashgan 2-umumiy o‘rta ta’lim maktabida o‘qiydigan opa-singillar maktab hamshirasini va o‘qituvchini kaltaklagan videosi tarqalgan edi. Holat yuzasidan sayyor sud tashkil etildi va vaziyat o‘rganilib, o‘quvchilarning onasiga jarima belgilandi.

“Maktabda o‘quvchilarni darsga kirishini nazorat qiladigan navbatchi tashkil qilganmiz. Janjalga sabab nazoratchining o‘quvchi qizlarga darsga vaqtida kiringlar, degan gapi asnosida yuzaga kelgan. Bu chaqiriqni eshitgan o‘quvchi qizlar navbatchiga sizning ishingiz bo‘lmasin, deb u bilan tortishgan. So‘ng hamshirani kaltaklashgan”, deydi maktab direktori.

Holat jiddiylashgandan so‘ng voyaga yetmagan qizlarning onasi maktabga chaqirilgan va yana janjal bo‘lgan. Sayyor sudda hammaning fikri o‘rganib chiqilgan. Voyaga yetmagan opa-singillarning oilaviy sharoiti ham inobatga olingan.

Aniqlangan ma’lumotlarga ko‘ra, ularning oilasida hech kim ishlamasligi bois, o‘quvchilarning onasiga nisbatan Ma’muriy javobgarlik to‘g‘risidagi kodeksning 34-moddasi bilan hamda bazaviy hisoblash miqdorining ikki baravar (752 ming so‘m) miqdorida jarima jazosi belgilangan.

• Jazo
• Maktab
• Munosabat