Sport o‘zini jismoniy va ruhiy jihatdan ajoyib his qilishga yordam beradigan universal vositadir. Sport, ayniqsa, bolalar uchun foydalidir. Sport bilan shug‘ullanayotganda, bola jismoniy qobiliyatlarni rivojlantiradi va bundan tashqari, yangi do‘stlar orttiradi, jamoaning bir qismi bo‘lishni, adolatli o‘yin tamoyillarini o‘rganadi, o‘zini o‘zi qadrlaydi va zavqlanadi. 

Mutaxassislarning fikricha, bolalarda sportga mehr uyg‘otish uchun shaxsan o‘rnak bo‘lish kerak. Bolalarni sport bilan shug‘ullanishga odatlantirish imkonini beruvchi ikkinchi eng samarali omil – buning uchun sharoit yaratishdir. Oilaviy vaqtingizni shunday o‘tkazingki, bola sport maydonchasida o‘ynash, velosiped haydash yoki to‘p tashlash imkoniyatiga ega bo‘lsin. 

Farzandingizga sportni hayotining bir qismiga aylantirishga yordam berish uchun sizga nimalar kerak?

• o‘zingiz namuna bo‘ling;
• bolangiz bilan birgalikda sport bilan shug‘ullaning;
• sport bilan shug‘ullanishiga imkon bering;
• majburlashdan ko‘ra ilhomlantiring.

Bundan tashqari, ushbu yondashuvlarning barchasini birlashtirish muhimdir.

O‘rnak bo‘ling 

Esda tutingki, bolalar birinchi navbatda ota-onalari va tengdoshlariga qarash orqali hamma narsani, shu jumladan hayotni tushunishni o‘zlashtiradilar. Shuning uchun, agar siz butun dam olish kunlari divanda yotsangiz va ish kunlari ertalabdan kechgacha ishlasangiz, sport bilan shug‘ullanish uchun vaqt qoldirmasangiz, bolangiz buni kundalik rejimidan chiqarib tashlashi mumkin. 

Agar siz o‘zingizni ish bilan band deb hisoblasangiz, haftada bir kunni sport zaliga ajrating. Buni ko‘rgan bola, vaqt kam bo‘lsa ham, sport bilan shug‘ullanish uchun doimo imkoniyat borligini tushunadi. Qish kelganda, ochiq sport maydonchasida haftalik mashg‘ulotlardan voz kechmang, balki sport zali toping. Shunday qilib, siz ob-havo sportga to‘sqinlik qilmasligini ko‘rsatasiz. Birgalikda, bu bolaga, agar xohlasa, har qanday noqulay vaziyatlarni yengib o‘tish mumkinligini tushuntiradi. 

Oilaviy harakatlar munosabatlarni mustahkamlashga yordam beradi. Sport intizomini tanlashda moslashuvchan bo‘ling — o‘zingiz va bolangiz uchun. Ehtimol, sport bilan shug‘ullanish unga mos kelmas. Variantlarni saralayotganingizda, avval shunchaki yuguring: olimlar yugurganingizda endorfinlar — baxt gormonlari ajralib chiqishini aniqladilar. Agar bu odat bo‘lib qolsa, bolangiz bilan uzoq masofaga poygada qatnashing. 

Farzandingizni o‘zingiz bilan olib boring

Bolalar mashg‘ulotlar orqali o‘rganganligi sababli, sportni sog‘liq uchun foydali deb aytish ular uchun yetarli emas. Sport ularga ko‘p jihatdan qanday ijobiy ta’sir ko‘rsatishi mumkinligini ko‘rsatish ularni sportga jalb etish uchun juda katta turtki bo‘ladi. Farzandingizga mashg‘ulotdan oldin va keyin kundalik vazifalarini, masalan, maktabdagi uy vazifalarini qanday bajarishi haqida eslatib turing. Qachonki, uning o‘zi yaxshi mashqdan keyin miyasi yaxshi ishlayotganini his qilsa, u keyingi mashg‘ulotni o‘tkazib yuborishga yo‘l qo‘ymaydi. 

Ijobiy his-tuyg‘ularni ko‘rsating

Bolalar, ular bilan shug‘ullanadigan kishilarning qiziqishini uyg‘otadigan faoliyatga ko‘proq qiziqish bildiradilar. Boshqacha qilib aytganda, agar siz oila a’zolari bilan o‘ynasangiz va undan zavqlansangiz, bola sizni o‘ziga tortadi. Jismoniy mashqlarni juda jiddiy qabul qilishdan saqlaning. Sport birgalikda o‘tkazadigan yoqimli vaqt bo‘lsin. 

Mashhur sport turlari asosida o‘z mini-o‘yinlaringizni yarating

O‘lchami 28 m ga 15 m bo‘lgan basketbol maydonida, bolaga u halqadan bu halqaga yugurish taklif etilsa,  uni bundan zavq olishi dargumonligini, hamma tushunadi. To‘pni savatga tushirish, to‘pni raqibdan aylanib olib o‘tish kabi kichik basketbol o‘yinlari ancha qiziqarli. Har bir sport turida bunday o‘yinlar mavjud. 

Bolalar do‘stlarini taklif qilishlariga ruxsat bering

Bolalar bir-birlari bilan o‘ynashni yaxshi ko‘radilar. Farzandingizning do‘stlari sport bo‘limiga borishsa, ular uni o‘zlari bilan birga olib borishlariga ruxsat bering. Uyingizni sport nuqtai nazaridan qanday qilib jihozlashingiz mumkinligini ko‘rib chiqing. Keyin bolangizning do‘stlari bu yerga faqatgina kompyuter o‘yinlarini o‘ynash uchun kelishmaydi. Masalan, basketbol savatini osib qo‘ying yoki futbol uchun yangi darvoza o‘rnating.

Ko‘ngilsizliklarga qaramay, mashq qilish istagingizni saqlang

Sportda hayotda bo‘lgani kabi, mag‘lubiyat ham jarayonning ajralmas qismidir. Treningdan keyin sportning ularda yomon taassurot qoldirmasligi muhimdir. Farzandingiz sportni salbiy his-tuyg‘ular bilan bog‘lashiga yo‘l qo‘ymang. Buning uchun butun oila bilan mashg‘ulot paytida e’tiboringizni natijaga emas, balki jarayonga, o‘yinning o‘ziga qarating. Bolangiz sport stress keltirmasligiga, aksincha, uni yengillashtirishiga ishonch hosil qilishi kerak.

Sport to‘garaklariga ro‘yxatdan o‘ting

Tadqiqotlar shuni ko‘rsatadiki, bolalar qanchalik ko‘p to‘garaklarda qatnashsa, ular shunchalik yaxshi o‘rganadilar. Buning sababi shundaki, cheklangan vaqtga ega bo‘lgan bola vazifalarini tezroq bajarishga harakat qiladi. Misol uchun, mashg‘ulotdan oldin bir yarim soat bo‘lsa, keyin uy vazifasini bajarishga vaqt qolmasa, u diqqatni jamlagan holda vazifalarni tez va samarali bajaradi. Bundan tashqari, mashg‘ulotlar bolani ko‘chaning keraksiz ta’siridan himoya qilishga imkon beradi. 

Sport mashg‘ulotlarini o‘zgartirib turing

Esda tutingki, bola qisqa vaqt ichida diqqatini jamlay oladi. Shuning uchun imkon qadar tez-tez sport mashg‘ulotlarini o‘zgartiring. Reaksiyaga diqqat bilan e’tibor bering va zerikishning birinchi belgilarini ko‘rganingizda, yangi narsalarni sinab ko‘ring. 

Sport ko‘rsatuvlarini tomosha qiling

Musobaqani televizorda yoki tribunada tomosha qilyapsizmi, bu bola uchun sportchini sevib qolish va unga o‘xshashga harakat qilish uchun ajoyib imkoniyatdir. Farzandingiz yoqtiradigan sport turi bo‘yicha namunaga ega bo‘lish o‘yinga qiziqishni rivojlantirish va saqlab qolishning muhim elementidir.

• Bola
• Farzand
• Sport