SSKA bosh direktori Roman Babayev Abbosbek Fayzullayevning maoshi oshirilishi haqida o‘z fikrlarini bildirib o‘tdi.

“Biz Abbosning shartnomasida nima ko‘rsatilganidan qat’i nazar, maoshi oshirilishi kerak, deb o‘yladik. Agarda bizning klub kimningdir mehnati ko‘proq maoshga arziydi, deb hisoblasa, shartnomani uzaytirishni kutib o‘tirmaydi. Shu bois biz Fayzullayevning shartnomasini uzaytirmasdan ham uning maoshini oshirdik”, – degan Roman Babayan.

Abbosbek Fayzullayev o‘tgan yozda “Paxtakor”dan Moskvaning SSKA klubiga ko‘chib o‘tgan edi. Uning Rossiya klubi bilan amaldagi shartnomasi 2026-yilning iyun oyi oxirigacha amal qiladi. Ushbu mavsumda yarim himoyachi SSKA tarkibida RPLda jami 16 o‘yinida maydonga tushib, 2 ta gol va 3 ta asisstni amalga oshirgan.

Avvalroq, OFK O‘zbekiston MTJ futbolchisi Abbosbek Fayzullayevni Osiyoda yilning eng yaxshi yosh futbolchisi deya e’tirof etgan edi. Shuningdek, 21-yoshli yarimhimoyachi O‘FA tomonidan 2024-yilda O‘zbekistonning eng yaxshi futbolchisi deb topilgan.

• Abbosbek Fayzullayev
• Futbol
• Maosh