FIFA milliy terma jamoalarning navbatdagi reyting yangilangan ko‘rsatkichlarini e’lon qildi. Unga ko‘ra, Ispaniya terma jamoasi Argentinani ortida qoldirib, dunyo reytingida birinchi o‘ringa chiqdi.

O‘zbekiston milliy terma jamoasi uchun ham ijobiy yangilik bor: jamoa bir pog‘ona yuqorilab, 54-o‘rinni egalladi. Bundan tashqari, O‘zbekiston Osiyo qit’asidagi jamoalar orasida 6-o‘rinda qayd etilgan. Umumiy ochkolar soni 1453.31 ni tashkil etadi, bu ko‘rsatkich bilan O‘zbekistondan bir pog‘ona yuqorida turgan Qatar terma jamoasi (53-o‘rin) 1453.65 ochko to‘plagan.

Osiyoda O‘zbekistondan yuqorida turgan jamoalar quyidagilar:
Yaponiya – 19-o‘rin
Eron – 21-o‘rin
Janubiy Koreya – 23-o‘rin
Avstraliya – 25-o‘rin
Qatar – 53-o‘rin
Markaziy Osiyo mintaqasida esa O‘zbekiston milliy terma jamoasi mutlaq yetakchi hisoblanadi. Qolgan mamlakatlar orasidagi reyting quyidagicha:
Tojikiston – 102-o‘rin
Qirg‘iziston – 106-o‘rin
Qozog‘iston – 118-o‘rin
Turkmaniston – 138-o‘rin
Bu natijalar O‘zbekiston milliy terma jamoasining so‘nggi vaqtlardagi barqaror o‘yinlari va xalqaro maydondagi faol ishtirokining samarasidir.

• FIFA
• Futbol
• Terma jamoa