Bugun, 25-fevral kuni soat 14:47 da Farg‘ona viloyati FVBga “112” tizimi orqali Qo‘qon shahar “Bo‘ston” MFYda joylashgan ko‘p qavatli uylardan birida chaqnash sodir bo‘lib, uning oqibatida yong‘in bo‘layotganligi to‘g‘risida xabar kelib tushgan. Bu haqda viloyat FVB axborot xizmati xabar berdi.

Xabarga asosan, qutqaruv bo‘linmalari aytilgan manzilga yetib borishgan hamda yong‘in tezkorlik bilan bartaraf etilgan.

“Vaziyat to‘liq Farg‘ona viloyati FVB nazoratida”, – deyiladi xabarda.

Dastlabki ma’lumotga ko‘ra tan-jarohati olganlar to‘g‘risida xabar kelib tushmagan.

Hozirda FVV qutqaruvchilari tomonidan hodisa oqibatlarini bartaraf etish ishlari olib borilmoqda.

• FVB
• Farg‘ona
• Qo'qon
• portlash
• yong‘in