Joriy yilning, 16-yanvar – 1-fevral kunlari Niderlandiyaning Veyk-an-Zee shahrida shaxmat bo‘yicha nufuzli “Tata Steel Chess 2026” xalqaro turniri bo‘lib o‘tdi.

“Masters” guruhida 9 ochko jamg‘argan Nodirbek Abdusattorov musobaqa g‘olibiga aylandi va ushbu turnir tarixida chempionlikni qo‘lga kiritgan ilk o‘zbek shaxmatchisi sifatida tarixga kirdi.

Yana bir O‘zbekiston vakili Javohir Sindarov musobaqada umuman mag‘lubiyatga uchramagan holda 8,5 ochko bilan ikkinchi o‘rinni egalladi. Uchinchi pog‘onani esa mezbon grossmeyster Yorden van Foreest band etdi.

Bugun, 3-fevral shaxmatchilar O‘zbekistonga qaytib kelishdi. Ular Toshkent xalqaro aeroportida Sport vaziri o‘rinbosari Shahrullo Mahmudov, OAV vakillari, ota-onalar hamda keng jamoatchilik tomonidan tantanali kutib olindi.

• Gollandiya
• Shaxmat
• chempionat