Ijtimoiy tarmoqlarda ushbu qotillik Andijon viloyatining Asaka tumanidagi 37 maktab binosida, o‘qituvchi ayol o‘quvchilar ko‘z o‘ldirilganligi to‘g‘risida xabarlar tarqaldi.

Bosh prokuratura axborot xizmati rahbari Hayot Shamsutdinovning “Daryo”ga ma’lum qilishicha ushbu voqea 27-yanvar kuni soat 15:30 larda Asaka tumanidagi maktab binosida sodir bo‘lgan.

Shu maktabda ishlovchi erkak O.U. oilaviy kelishmovchiliklar sabab kelib chiqqan janjal oqibatida o‘zi bilan birga ishlovchi 34 yoshli turmush o‘rtog‘i O.M.ga yonida olib kelgan xo‘jalik pichog‘i bilan bir necha marotaba tan jarohati yetkazib, uni qasddan o‘ldirgan.

Shundan so‘ng erkak shu tumandagi yashash xonadoniga qaytib kelib, ayolini o‘ldirgan pichoq bilan o‘zining qorniga bir necha marotaba urib, joniga qasd qilganida akasi N.O. ko‘rib qolib, shifoxonaga olib borgan. Ko‘rsatilgan tibbiy yordam natijasida uning hayoti saqlab qolingan.

Mazkur holat yuzasidan 27-yanvar kuni fuqaro U.O.ga nisbatan Jinoyat kodeksining 97-moddasi (qasddan odam o‘ldirish) 1-qismi bilan jinoyat ishi qo‘zg‘atilgan.

• Andijon
• O‘qituvchi
• Qotillik