Xonanda Yevropa Ittifoqi davlati fuqaroligiga ega bo‘lishiga qaramay, u Litvaga kirish huquqiga ega bo‘lolmadi, deb yozadi “Mojem ob’yasnit” telegram-kanali.

2021-yilda Litva hukumati Kirkorovni milliy xavfsizlikka tahdid deb hisoblab, uning mamlakatga kirishini 5-yilga yopib qo‘ygan.
Xonanda Inson huquqlari bo‘yicha Yevropa kengashiga ariza bilan murojaat qilgan. Uning ta’kidlashicha, Litva uning so‘z erkinligi huquqini buzgan va mamlakatga kirish taqiqi siyosiy senzura vositasi sifatida ishlatilgan. U, shuningdek, Litvada konsert o‘tkaza olmagani uchun daromadi yo‘qolganidan shikoyat qilib, bekor qilingan konsertlar uchun chiptalar narxini qaytarishni talab qilgan.

Biroq sud mamlakatga kirishni taqiqlash adolatli chiqarilgan hukm deb topdi.

“Litva hukumati, xususan, Kirkorov sobiq SSSR davlatlarida Rossiya tashviqotining quroli bo‘lganini va Qrimda muntazam konsertlar berib, Rossiya Federatsiyasining agressiv siyosatini qo‘llab-quvvatlaganini aniqladi”, – deyiladi sud qarorida.

• Rossiya