Fransiya prezidenti Emmanuel Makron Rim papasi Fransisk bilan uchrashib, Ukrainadagi urush va tinchlik istiqbollarini muhokama qilishdi.
Keltirilishicha, ularning shaxsiy muzokaralari 55 daqiqa davom etgan, biroq odatdagidek, muhokama mazmuniga aniqlik kiritilmagan.
Vatikan Makron bilan o‘tkazilgan muzokaralarida Ukraina, ayniqsa, mamlakatdagi og‘ir gumanitar vaziyat asosiy mavzu ekanligini ma’lum qildi.
Shuningdek, muhokama mavzulari orasida Kavkaz, Yaqin Sharq va Afrika mintaqalari ham bo‘lgan.
Makron rafiqasi Brijit hamrohligida va Shveytsariya gvardiyasining faxriy qorovuli bilan kutib olinib, papaga nemis faylasufi Immanuel Kantning 1796-yilda fransuz tilida nashr etilgan “Abadiy tinchlik” asarining birinchi nashrini sovg‘a qilgan.
Uchrashuvdan so‘ng Makron Italiya prezidenti Mattarella bilan rasmiy tushlik qilish uchun yo‘l olgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!