Fransiyada maktablarda abaya (butun tanani qoplaydigan an'anaviy musulmon libosi)ni kiyish taqiqlanadi. Bu haqda Fransiya ta’lim vaziri Gabriel Attal mahalliy televideniye efirida aytib o‘tdi.

“Sinfga kirganingizda o‘quvchilarga shunchaki qarab bo‘lmaydi va ular qaysi dinga e’tiqod qilishlarini ayta olasiz”, – dedi Attal.

Attalning ta'kidlashicha, kelgusi hafta u maktab rahbarlari bilan ushbu taqiqni qanday amalga oshirishni muhokama qiladi. Qoidalar yangi o‘quv yilidan boshlab, 4-sentabrdan kuchga kirishi kutilmoqda.

Abaya - ba'zi musulmon ayollar va qizlar kiyadigan bo'sh xalat yoki butun badanli ko'ylak.

Bu qaror bir necha oy davom etgan bahs-munozaralardan so‘ng qabul qilingan va mamlakatdagi besh millionlik musulmon jamoatchiligining ko‘pchiligini g‘azablantirishi kutilmoqda.

2004-yil 15-martdan boshlab Fransiya ta’lim muassasalarida diniy ramz yoki diniy e’tiqodni aks ettiruvchi kiyim kiyish qonuniy ravishda taqiqlangan.

• Fransiya
• Musulmon