Gabon prezidenti Ali Bongo Ondimbaning o‘g‘li harbiylar hokimiyatni qo‘lga kiritganidan so‘ng hibsga olindi. Bu haqda Agence France-Presse xabar berdi.

“Prezident Ali Bongo uy qamog‘ida”, – deya qo‘shimcha qildi agentlik davlat televideniyesi orqali ko‘rsatilgan harbiy bayonotga tayanib.

Gabon prezidenti Ali Bongo Ondimba esa uy qamog‘ida, oila a’zolari va shifokorlar qurshovida ekani aytilgan.

Bugun, 30-avgust kuni ertalab rasmiylar Gabonning amaldagi prezidenti Ali Bongo Ondimba 64,2 foiz ovoz bilan prezidentlik saylovlarida g‘alaba qozonganini ma’lum qildi. Muxolifat vakili akademik Albert Ondo Ossa 30,7 foiz ovoz olgan.

Shundan so‘ng, harbiylar televideniye orqali saylov natijalari bekor qilingani va hokimiyat institutlari tarqatib yuborilganini e’lon qildi. Ular mamlakatdagi rejimga barham berishlarini e'lon qilishdi. Poytaxt Librevilda otishma yangradi, isyonchilar “keyingi xabarga qadar” chegaralarni yopdilar.

Harbiylar qaysi siyosiy kuchni qo‘llab-quvvatlayotgani hozircha aniq emas.

Ular mamlakatning xalqaro hamjamiyat oldidagi majburiyatlarini bajarishga vaʼda berishdi. Gabon OPEK+ neft eksport qiluvchi mamlakatlar aʼzosi hisoblanadi.

• Davlat to‘ntarishi
• Gabon