Isroilning sulhdan keyingi hujum strategiyasi davom etmoqda. “Al-Aqso bo‘roni” operatsiyasiga javoban XAMAS qarshi harakatini yo‘q qilish maqsadida berayotgan qaqshatqich zarbalar falastinlik oddiy aholining qirilib ketishiga olib kelishi mumkin. Bu haqda Falastin Markaziy Statistika Byurosi rahbari Xosam Xalifa yakshanba kuni bergan intervyusida ma'lum qildi.

Uning qo‘shimcha qilishicha, Isroilning G‘azoga berayotgan zarbalari oqibatida hududdagi 400 ming turar joydan 250 mingtasi qisman yoki to‘liq vayron bo‘lgan.

Shuningdek, Isroilning genotsid urushi tufayli G'azo sektoriga yetkazilgan iqtisodiy zarar oktyabr oyida 700 million dollarga yetganini aytdi.

XAMAS islomiy qarshilik harakatining matbuot bo‘limi yakshanba kuni Isroilning G‘azo sektoriga uyushtirgan zarbalari natijasida so‘nggi 24 soat ichida 700 nafardan ortiq tinch aholi halok bo‘lganini ma’lum qildi.

G'azo Sog'liqni saqlash vazirligi ma'lumotlariga ko'ra, Isroilning qirg'oqbo'yi hududlarida qirg'inbarot urushi boshlanganidan beri 15,5 mingdan ortiq falastinlik halok bo'lgan va 41,300 dan ortiq kishi yaralangan.

• Falastin
• Genotsid
• Isroil