Krishtianu Ronaldu to‘purarlik yutuqlari uchun yana bir bor mukofotlandi.

Hozirda, Saudiya Arabistonining “Al-Nasr” klubi 39 yoshli hujumchisi barcha davrlarning eng yaxshi to‘purari sifatida Globe Soccer Awards mukofotiga ega chiqdi.

Portugaliyalik 2024-yilda faoliyatidagi 900-gol dovonidan o‘tib ulgurgan. U ayni vaqtgacha bo‘lgan professional faoliyati davomida 916 ta gol urishga muvaffaq bo‘lgan. Shundan, klublar safida 781 ta, terma jamoasi tarkibida esa 135 ta.

Ronaldu faoliyati davomida “Sporting”, “Manchester Yunayted”, “Real Madrid” va “Yuventus”da o‘ynagan.

Globe Soccer Awards quyidagi nominatsiyalar bo‘yicha yilning eng yaxshilarini mukofotladi:

Barcha davrlarning eng yaxshi to‘purari: Krishtianu Ronaldu (“Al-Nasr”/Portugaliya);

Eng yaxshi futbolchi: Vinisius Jr (“Real Madrid”/Braziliya);

Eng yaxshi yosh futbolchi: Lamin Yamal (“Barselona”/Ispaniya);

Eng yaxshi murabbiy: Karlo Anchelotti (“Real Madrid”);

Eng yaxshi hujumchi: Vinisius Jr (“Real Madrid”/Braziliya);

Eng yaxshi yarim himoyachi: Jude Bellingem (“Real Madrid”/Ispaniya);

Eng yaxshi futbolchi: Aytana Bonmati (“Barselona”/Ispaniya);

Eng yaxshi erkaklar klubi: “Real Madrid” (Ispaniya);

Eng yaxshi ayollar klubi: “Barselona” (Ispaniya);

Yaqin Sharqning eng yaxshi futbolchisi: Krishtianu Ronaldu (“Al-Nasr”/Portugaliya);

Yaqin Sharqdagi eng yaxshi murabbiy: Xorxe Jezus (“Al-Hilol”);

Yaqin Sharqdagi eng yaxshi klubi: “Al-Ayn” (BAA);

Kashfiyot klub: “Olimpiakos” (Gretsiya);

Barcha davrlarning eng yaxshi prezidenti: Florentino Peres (“Real Madrid”);

Eng yaxshi agent: Xorxe Mendesh (Portugaliya);

Maradona mukofoti: Jude Bellingem (“Real Madrid”/Ispaniya);

Karyera mukofoti: Alessandro Del Pero, Rio Ferdinand, Tibo Kurtua va Neymar.

• Futbol
• Mukofot
• Ronaldu