Falastinning O‘zbekistondagi elchisi xonanda Yulduz Usmonovani elchixonaga taklif qilib, u orqali o‘zbek xalqiga falastinliklar nomidan minnatdorchilik bildirdi. Bu haqda xonanda o‘zining Instagram sahifasida aytib berdi.

"Hozir Falastin elchixonasiga kirib chiqdik, minnatdorchilik aytildi. Bu faqat mengamas, men bilan birga haqiqat tarafda turganlarga va duo qilganlarga aytildi.

Haqiqat egiladi, bukiladi, lekin sinmaydi. Odamda til bor, gapiraveradi. Haq yo‘lidan adashmaylik.

Yaxshiyam, sizlarning farzandlaringizman. Yaxshiyam, o‘zbekning bolasiman. Yaxshiyam vatanim bor, haqiqatni ayta oladigan yurtim bor.

Qayerda bo‘lsa ham, tinchlik bo‘lsin, musulmon xalqi omon bo‘lsin", deb o‘z so‘zlariga yakun yasagan xonanda.

• Shou-biznes