Ma’lumotlarga ko‘ra, Bosh prokuratura huzuridagi Departamentning Mirzaobod tumani bo‘limi tomonidan IIV xodimlari bilan hamkorlikda o‘tkazilgan tezkor tadbirda fuqaro D.T fuqaro A.S.ga go‘yoki IIBda ishlovchi tanishlari orqali hech qanday o‘quv mashg‘ulotlariga qatnashmasdan “B”, “C” toifadagi haydovchilik guvohnomasini olib berishi evaziga 400 AQSh dollari va 400 ming so‘mni olgan vaqtida ashyoviy dalillar bilan ushlangan.

Shu kabi, Departament hamda DXXning Amudaryo tumani bo‘limlari tomonidan o‘tkazilgan tezkor tadbirda “A.P” MCHJ avtomaktabi instruktori O.X fuqaro Sh.U.ni haydovchilik guvohnomasini olish uchun bo‘lib o‘tadigan imtihondan tanishlari yordamida o‘tkazib qo‘yishi evaziga 400 AQSh dollarini olgan vaqtida ashyoviy dalillar bilan ushlangan.

Hozirda mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.

• Amudaryo
• Firibgarlik
• Pora