Hindiston televideniyesi boshlovchisi Amrin Bxat Hindistonning Jammu va Kashmir ittifoqi hududida jangarilar tomonidan uyushtirilgan hujum oqibatida halok bo‘ldi. Bu haqda 25-may, chorshanba kuni mahalliy huquq-tartibot idoralari xodimlari ma’lum qildi.

Dastlabki ma’lumotlarga ko‘ra, 35 yoshli Amrin Bxat tibbiyot muassasasiga yetkazilgan, biroq shifokorlar uni qutqara olmagan.

Bxatning 10 yoshli jiyani ham hujumda yaralangani aytilmoqda. Politsiya maʼlumotlariga koʻra, hujum “Lashkar-e-Tayba”ning uch nafar aʼzosi tomonidan amalga oshirilgan. Hujum sodir bo‘lgan Budgam hududi o‘rab olingan. Ayni paytda bosqinchilarni qidirish bo‘yicha operatsiya olib borilmoqda. 

Qayd etish joiz, Kashmir Hindiston va Pokiston o‘rtasida 1947-yilda Hindiston mustaqillikka erishgandan so‘ng diniy jihatdan ikki davlatga bo‘linganidan beri tortishuv nuqtasi bo‘lib kelgan.

• Hindiston
• Jahon
• Pokiston
• Telekanal