Ayni damda Prezident Shavkat Mirziyoyev raisligida ehtiyojmand aholining ijtimoiy himoyasini yanada kuchaytirish chora-tadbirlari yuzasidan videoselektor yig‘ilishi bo‘lib o‘tmoqda. 

Yig‘ilishda Ikkinchi jahon urushi qatnashchilari rag‘batlantirilishi ma’lum qilindi. 

Unga ko‘ra, 9-may umumxalq bayrami – Xotira va Qadrlash kuni munosabati bilan Ikkinchi jahon urushi qatnashchilari va nogironlariga 15 000 000 (o‘n besh million) so‘m miqdorida bir martalik pul mukofoti beriladi. Mukofotlar 1-may sanasiga qadar yetkaziladi.

Shuningdek, yolg‘iz va ijtimoiy himoyaga muhtoj urush qatnashchilari va nogironlarining xonadonlari ta’mirlanadi, obodonlashtiriladi.

Xususan, 9-may bayramiga bag‘ishlangan asosiy teatrlashtirilgan tomosha Toshkent shahridagi “Gʻalaba bog‘I” yodgorlik majmuasida o‘tkaziladi.

• Ikkinchi jahon urushi
• Mukofot
• Prezident
• Xotira va qadrlash kuni