Kompaniya birinchi bemor duch kelgan muammolarni bartaraf etishga va’da berdi. Ikkinchi bemorga ultra yupqa simlarni miyaga yanada chuqurroq kiritish rejalashtirilmoqda.

AQSh Sog‘liqni saqlash vazirligining Dori-darmonlarni nazorat qilish boshqarmasi Ilon Maskning Neuralink kompaniyasiga Telepatiya miya implantatini ikkinchi bemorga implantatsiya qilishga ruxsat berdi.

Neuralink chipni ikkinchi bemorga – bu yil esa jami 11 kishiga implantatsiya qilishni rejalashtirmoqda. Eksperimentda ishtirok etish uchun jami 1 mingdan ortiq ariza topshirildi. Bundan tashqari, o‘tgan hafta Mask ikkinchi tajriba uchun ko‘ngillilarni jalb qilishni e’lon qildi.

Neuralink birinchi marta 2024-yil yanvarida inson miyasiga “Telepatiya” neyrochipini joylashtirdi. Fevral oyida 29 yoshli Noland Arbo kursorni aqli bilan boshqarishni o‘rgangani haqida xabar berilgan edi. Tez orada u onlayn shaxmat va Mario Kart o‘ynashga muvaffaq bo‘ldi.

Biroq 15-may kuni Reuters o‘z manbalariga tayanib, Neuralink’ning ba’zi implant kontaktlari uzoqlashgani va natijada ma’lumotlarni uzatish samaradorligi pasaygani haqida xabar berdi. Manbalarga ko‘ra, kompaniya bu haqda hayvonlarni sinovdan o‘tkazish bosqichida ham bilgan.

• qiziqarli