Ispaniya La Ligasi rahbari Xavyer Tebas Jahon chempionatini har ikki yilda o‘tkazish g‘oyasini tanqid qildi.

“Har ikki yilda bir marta jahon chempionati bo‘lmaydi. Nima bo‘lishi mumkin, Infantino futbolni ikkita konfederasiyaga bo‘lgan prezident sifatida tarixga kiradi. U UEFA va CONMEBOL’ni dunyoning qolgan qismidan ajratish ustida ishlamoqda”, – deydi Tebas.

Uning fikriga ko‘ra, Yevropa va Janubiy Amerikada sport industriyasi shunday sur’atda rivojlanganki, FIFA prezidenti hohlagani uchun har ikki yilda bir marta jahon chempionati o‘tkazish bilan uni sindirish mumkin emas.

Shuningdek, La Liga rahbariga ko‘ra Janni Infantino korrupsiya uchun jazolanishi kerak bo‘lgan ba’zi federasiyalarga mablag‘ bera olishi uchun daromadini oshirib borishini ta’kidlagan.

Qayd etish mumkin, FIFA prezidenti har ikki yilda bir marta jahon chempionati o‘tkazilishni istaydi, lekin futbolchilarga klublar va ligalar tomonidan maosh to‘lanadi. Tabiiyki, klublarning rasmiylari futbolchining terma jamoa ixtiyorida jarohat olishidan qo‘rqadi.

• FIFA
• Futbol
• La Liga