Infografika yaratishning bugungi kunda maxsus platformalari mavjud boʻlib, ular orqali biz bepul onlayn tarzda oʻz infografikamizni yarata olamiz. Yana shundan onlayn servislarni sanab oʻtamiz.

Visma. Bu taqdimotlar, animatsiyalar, bannerlar, infografika, hisobotlar, shakllar va boshqa vizual kontent yaratish uchun platforma hisoblanadi.

Visma da 5 ta loyihani bepul yarata olasiz. Undan keyingilari uchun toʻlov qilishingiz talab etiladi. Ushbu platforma yordamida dizaynerlik sohasidan ancha uzoqda boʻlgan va qobiliyatiga shubha qiluvchilar ham bemalol oson usullar yordamida infografika yarata olishadi. Tayyor shablonlardan foydalangan holda, mavzuga mos keladigan uslubni tanlab olib, maʼlumotlarni oʻzgartirib oʻz tasavvuringizni reallikka koʻchira olasiz.

Canva. Bepul turidan ham siz cheklanmagan loyihalarni, taqdimot, infografikalarni yarata olasiz. Oʻz ichida koʻplab shablonlarni jamlagan. Siz ularni oʻzgartirishingiz,boshqa kerakli detallarni koʻshishingiz ham mumkin.

Canva – bu nafaqat infografikani, balki grafik dizayn bilan bogʻliq deyarli hamma narsani yaratishingiz mumkin boʻlgan joy: logotiplar , tashrif qogʻozlari, restoran menyulari shular jumlasidandir. Ushbu onlayn vosita ajoyib infografika yaratishni nihoyatda osonlashtiradi, shuning uchun jarayon qiziqarli va silliq kechadi.

Canva ikkita toifaga boʻlingan: Bepul va Pro, shuning uchun ularning saytida roʻyxatdan oʻtish orqali siz 8000 dan ortiq shablonlarga (barcha toifalarda), oʻzingizning rasmlaringizni yuklash imkoniyatiga va yuz minglab bepul fotosuratlarga va grafik sizning ixtiyoringizda.

Pro versiyasi bilan siz shablonlaringiz, aktivlaringiz va rasmlaringiz uchun cheksiz papkalarga ega boʻlasiz, shuningdek, dizayn fayllaringiz uchun koʻplab saqlash joylari, oʻlchamlarni oʻzgartirish, shaxsiy shriftlar va sizni haqiqatan ham infografikaga jalb qilish uchun koʻplab “professional” vositalarga ega boʻlasiz.

Shu bilan birga u yerda siz marketing, dizayner kabi sohalar boʻyicha berib boriladigan maqolalar va tavsiyalar bilan ham tanishib borishingiz mumkin.

Adobe Spark. Fotosuratlar sifati, katta baza mavjud ekanligi va boshqa ilovalarga nisbatan chuqurroq integratsiyalashgani uchun uni koʻplab foydalanuvchilar yoqtirishadi.

Adobe Spark vaqtingizni tejaydi. Deyarli barcha mavzudagi shablonlar mavjud ekanligi sababli qisqa vaqtda kerakli koʻrinishdagi infografikani yaratish imkonini qoʻlga kiritasiz. Ish jarayonida sizda oddiy koʻrinishdagi infografika paydo boʻladi va unga toʻgʻri ishlov bera olishingiz kerak. Ish yakuniga yetgach esa, loyihangizni istalgan formatda saqlay olasiz.

Adobe Spark ning kuchli tomoni shundaki, platformaga qoʻshilgan, kiritilgan yangiliklarni siz bepul versiya yangilashingiz va foydalanishingiz mumkin.

Adobe Illustrator dasturi. Pullik platforma oyiga 20,99$ toʻlashingiz kerak. Buning evaziga siz:

- Professional grafik dizayner dasturi;

- Texnogolik yoki ijodiy jihatdan cheklovlarga uchramaysiz.

Adobe Illustrator da infografikani sozlash haqiqatan ham jozibali narsalarni yaratishga imkon beradi. Grafiklar vositasi yordamida tushunish va foydalanish oson boʻlgan maʼlumotlarni uzatish uchun oqim diagrammalari, vaqt jadvali infografikasi va ustunli diagrammalarni yaratishingiz mumkin.

Unutmaslik kerakki, ushbu platforma infografika yaratish uchun eng oson ilova emas. Unda ishlash uchun baʼzi dizaynerlikka doir bilimlarga ega boʻlish talab etiladi.

Crello. Minimalizmga asoslangan ilova hisoblanadi. Bu platforma mashhur grafik dizayn dasturi sanalib, deyarli har qanday dizayn, infografikani yaratish mumkin.

Crello turli xil andozalar, shriftlar, animatsiyalar , obyektlar va oʻz rasmlaringizni yuklash qobiliyati bilan jozibali infografika yaratishni osonlashtiradi.

Crello yordamida infografikani yaratish juda oson: shunchaki format, shablonni tanlang va dizaynni sozlang. Ishingiz tugagach, uni dunyo bilan baham koʻring.

Agar siz infografikani yaratish jarayonini qoʻrqitadigan yoki zerikarli deb bilsangiz, tashvishlanmang. Crello ajoyib infografik tajribani taqdim etish uchun haqiqatan ham bir qadam oldinga ketdi. Buni oʻzingiz tekshirib koʻring — sizga yoqadi.

• Foydali
• qiziqarli
• texnologiya