Kechagina kechqurun butun dunyoda Instagram va Facebook hamda YouTube tarmoqlari ishlamay qolgan bir vaqtda qanchadan-qancha bloger, san’atkor va onlayn biznes egalari vahimaga tushib qolishgani rost. Dunyoda notinchlik bo‘lib turgan bir vatqda butun biznesni shu tarmoqlar ustiga qurish va ijtimoiy tarmoqlarga hayotimizni qattiq bog‘lab qo‘yish qanchalik xavfsiz degan xulosaga kelishimiz ham kerakdir?

Xitoy manbalarining xabar berishicha, kechagi uzilishlarga husiylar Qizil dengizdagi to‘rtta kabelni uzishgani sabab bo‘lgan deyilmoqda. Bu Afrika, Osiyo va Yevropa o‘rtasidagi aloqaga ta’sir qilgan. Ushbu uzilgan kabellar yirik telekom kompaniyalariga tegishli. Kompaniyalar zararlanmagan kabellar orqali trafikni ulashga va’da berishgan. Bir so‘z bilan aytganda YouTube, Instagram va boshqa ko‘plab saytlar butun dunyoda ishlash uchun kurash olib bormoqda deyiladi manbada.

Shu bilan birga, Pavel Durov global uzilishlar fonida Telegram uzilmay faoliyat yuritgani bilan maqtandi.
“Instagram va Facebook ishlamay qolganda, so‘nggi bir soat ichida millionlab odamlar Telegramda ro‘yxatdan o‘tishgan va kontent almashishgan. Telegram bu xizmatlarga qaraganda ishonchliroq. 2023-yil davomida Telegramning 525 600 daqiqasidan atigi 9 daqiqasi ishlamay qolgan”, — dedi tarmoq asoschisi.

• Facebook
• Instagram