Koreyadagi “The Elec” nashri “Samsung” kompaniyasi “iPhone 14” va “iPhone 14 Pro” uchun turli sinfdagi displeylarni yetkazib berishi haqida maqola e’lon qildi. Yuqori versiyalarning ekranlari M12 prosessori kabi eng yangi materiallardan tayyorlanadi – “Samsung” kompaniyasi xuddi shu materialdan “Galaxy Z Fold 4” va “Z Flip 4” ishlab chiqarishda foydalanadi. Ammo “iPhone 14” va “iPhone 14 Plus”da o‘tgan yili faol tarzda foydalanilgan M11 materiallari ishlatiladi.

“Samsung” o‘z smartfonlarida xuddi shunday siyosatga amal qiladi. Yil boshida taqdim etilgan “Galaxy S22” liniyasida faqat “Ultra” va “Plus” modellari M11 avlod materiallaridan foydalanilgan, asosiy model esa M10 bilan kifoyalangan. Manbaga ko‘ra, ishlab chiqaruvchi xarajatlarni kamaytirish uchun bunday sxemaga amal qiladi.

Qizig‘i shundaki, “iPhone 14” va “iPhone 14 Pro Max” uchun ba’zi displeylar LG tomonidan taqdim etiladi va bu materiallarda hech qanday farq ko‘zga tashlanmaydi. Ikkala yangi mahsulot ham RS-L materiallarining joriy avlodidan tayyorlanadi (RS-K “iPhone 13”da ishlatilgan). Bu “Apple” birinchi marta LG’dan LTPO displeylarini sotib oladi.

Avvalroq Britaniyaning telekommunikasiya va texnologiyalar sohasiga ixtisoslashgan “Omdia” konsalting kompaniyasi 14-avlod “iPhone” ekranlarining xarakteristikalari bilan o‘rtoqlashdi:

“iPhone 14”: 2532×1172 pikselli, 6,06 dyuymli LTPS OLED;

“iPhone 14 Pro”: 2564×1183 pikselli, 6,12 dyuymli LTPO OLED;

“iPhone 14 Plus”: 2778×1284 pikselli, 6,68 dyuymli LTPS OLED;

“iPhone 14 Pro Max”: 2802×1294 pikselli 6,69 dyuymli LTPO OLED.

Shu bilan birga, asosiy va yuqori versiyalarning old panellari o‘lchamida hech qanday farq bo‘lmaydi: displey o‘lchamlaridagi farqlar Pro versiyalarining old kamerasi va Face ID uchun chaqnash mavjud emasligi bilan bog‘liq.

• Android
• Apple
• Samsung
• iOS
• iPhone