Rasmiy eʼlon qilinishidan deyarli bir yil avval iPhone 16ʼning yangi fotosuratlari eʼlon qilindi. Ularni mashhur xitoylik Ice Universe insayderi internetda ulashgan.

Twitter ijtimoiy tarmog‘ida eʼlon qilingan fotolardan iPhone 16ʼda qo‘llanilishi mumkin bo‘lgan korpusning yangilangan dizaynini ko‘rish mumkin.

Yangi renderlarda hozirda asosiy kamera blogi atrofida joylashgan LED chirog‘i dizayniga alohida eʼtibor qaratilgan. Maʼlum qilinishicha, bu o‘zgarish Appleʼga tungi suratlar sifatini sezilarli darajada yaxshilash imkonini beradi.

Maʼlumot uchun: Ice Universe insayderlari mobil gadjetlar haqidagi ishonchli maʼlumotlarni avvalroq eʼlon qilishi bilan mashhur. Ammo shuni ham unutmaslik kerakki, Apple ushbu patentni iPhone 16 da qo‘llaydimi yoki uni kelajakdagi modellar uchun saqlab qo‘yadimi, hozircha aniq emas.

• texnologiya