Isroil harbiylari G‘azodan otilgan raketani tutib olganini ma’lum qildi.

Isroil mudofaa kuchlari (IDF) G‘azo sektoridan mamlakat tomon ikkita raketa uchirilgani, ulardan biri tutib olingan, ikkinchisi esa ochiq maydonga qulagani haqida xabar bergan.

“Yaqinda Netivot hududida va G‘azo sektoriga yaqin hududlarda yangragan havo hujumi signalidan so‘ng, ikkita raketa G‘azo sektori markazidan Isroil hududiga yo‘l olgani qayd etildi . Bir raketa tutib olindi, ikkinchisi esa ochiq maydonga quladi”, — deyiladi armiyaning Telegram-kanalida.

2023-yil 7-oktyabrda Isroil G‘azo sektoridan misli ko‘rilmagan raketa hujumiga uchradi. Shundan so‘ng XAMAS jangarilari chegara hududlariga kirib, harbiylar va tinch aholiga qarata o‘t ochdi va 200 dan ortiq kishini garovga oldi. Rasmiylarga ko‘ra, Isroil tomonida 1200 ga yaqin odam halok bo‘lgan.

G‘azo ma’muriyati ma’lumotlariga ko‘ra, 2023-yil 7-oktyabrdan buyon Isroil hujumlari oqibatida qurbon bo‘lganlar soni 64 mingdan oshdi, ularning aksariyati tinch aholidir.

So‘nggi oylarda Isroil G‘azo sektorini blokadasini kuchaytirib, zarur oziq-ovqat va dori-darmonlarni yetkazib berishga to‘sqinlik qildi. Bu allaqachon aholi o‘rtasida to‘yib ovqatlanmaslik tufayli qurbon bo‘lishiga olib kelgan.

• Falastin
• Isroil