Falastinning XAMAS harakati G‘azo sektorida garovga olingan barcha isroilliklarni bir kun ichida ozod qila oladi.

Bu haqda Al Hadath telekanali ma’lum qildi.

Biroq, harakatdagi manbaga ko‘ra, radikallarga o‘lgan asirlarning qoldiqlarini Isroil tomoniga topshirish uchun “qo‘shimcha vaqt” kerak bo‘ladi. Telekanal manbasining ta’kidlashicha, AQSh bu masalada “moslashuvchanlik ko‘rsatishga” tayyor.

Al Hadath, shuningdek, G‘azodagi XAMAS rahbariyati a’zolari istasa, chiqib ketishlari va Vashingtondan keyingi suiqasd urinishlariga duchor bo‘lmasliklari haqida kafolat olishlarini ta’kidlagan.

“Bundan tashqari, harakat BMT shafeligida Misr va Falastin xavfsizlik kuchlaridan tuziladigan maxsus organga qurol topshirishga tayyor”, – deya xabar beradi telekanal.

Manba, shuningdek, radikallar AQSh prezidenti Donald Tramp tomonidan tayyorlangan “G‘azo rejasi qoidalarini imkon qadar tezroq” amalga oshirishdan manfaatdor ekanini ta’kidlagan. Uning so‘zlariga ko‘ra, Isroil anklavni bombardimon qilishni to‘xtatishdan bosh tortib, AQSh prezidenti tashabbusini amalga oshirishga “to‘sqinlik qilmoqchi”.

XAMAS esa hali bu ma’lumotlarga izoh bermagan.

• Falastin
• Isroil
• Urush