“Bu degani, barcha garovdagilar yaqin vaqt ichida ozod qilinadi, Isroil esa mustahkam, ishonchli va abadiy tinchlik sari dastlabki qadam sifatida o‘z qo‘shinlarini kelishilgan chiziqqacha olib chiqadi. Barcha tomonlarga adolatli munosabatda bo‘linadi!”, — deyiladi AQSh prezidenti Truth Social ijtimoiy tarmog‘idagi postida.

Donald Tramp, shuningdek, Qatar, Misr va Turkiyaga vositachilik harakatlari uchun minnatdorchilik bildirgan.

Avvalroq, Misrda davom etayotgan Isroil va XAMAS o‘rtasida muzokaralar ijobiy kechayotgani va tomonlarning yaqin bir-ikki kun ichida kelishuvga erishish ehtimoli yuqoriligi haqida ma’lum qilingan edi.

Shuningdek, The Times of Israel nashri tomonidan, muhokamalarda garovga olingan qolgan 48 kishini 2000 ga yaqin falastinlik asirlar evaziga ozod qilish va Isroil qo‘shinlarining G‘azo sektoridan qisman olib chiqilishi masalalari muhokama qilinishi, muzokaralarning keyingi bosqichlarida XAMASning qurolsizlanishi va G‘azoning urushdan keyingi boshqaruvi bilan bog‘liq masalalar ko‘rib chiqilishi rejalashtirilgani haqida xabar berilgan edi.

• Falastin
• Isroil
• Misr
• Muzokara
• Tramp