Jahon banki Ukrainaga oliygohlarda tahsil olayotgan talabalarga stipendiya toʻlash uchun 100 million AQSh dollar miqdorida mablag‘ ajratadi.

Jahon bankining Ukrainadagi matbuot xizmati ma’lumotlariga ko‘ra, ushbu mablag‘lar 172 ming talaba uchun akademik va 50 ming talaba uchun ijtimoiy stipendiyalarni to‘lash imkonini beradi.

“Akademik va ijtimoiy stipendiyalar talabalar uchun, ayniqsa, kam ta’minlangan oilalar farzandlari uchun zarur bo‘lgan qo‘shimcha daromad manbaidir... Shuningdek, ushbu stipendiya dasturlari talabalarga ularning asosiy ehtiyojlari va xizmatlarini ta’minlashga, o‘quv jarayonini davom ettirishga yordam beradi va ta’lim natijalarini yaxshilash uchun xizmat qiladi”, deydi Jahon bankining Sharqiy Yevropa mintaqaviy direktori Arup Banerji.

Bankning ta’kidlashicha, ushbu moliyalashtirish Ukrainaga yordam paketining bir qismi bo‘lib, yaqin oylarda 3 milliard dollarni tashkil etadi.

• Jahon banki
• Stipendiya
• Talabalar
• Ukraina