2010-yilda Shimoliy Koreya artilleriyasi tomonidan o‘qqa tutilgan Janubiy Koreya nazoratidagi Yeonpxyondo oroli aholisini zudlik bilan evakuatsiya qilish buyurildi. Bu haqda Janubiy Koreyaning «Yonhap» agentligi xabar berdi.

Taʼkidlanishicha, mahalliy hokimiyat Janubiy Koreya harbiylaridan tegishli ko‘rsatma olgach, ommaviy evakuatsiya eʼlon qilgan. Dastlabki maʼlumotlarga ko‘ra, orolga KXDR tomondan allaqachon bir nechta o‘q otilgan bo‘lishi mumkin.

Agentlik maʼlum qilishicha, Shimoliy Koreya qirg‘oq artilleriyasi Sariq dengizdagi Janubiy Koreya orollari tomon 200 dan ortiq o‘q otgan.

Bombalar oqibatida janubiy koreyalik tinch aholi va harbiy xizmatchilar orasida qurbonlar yo‘q. Hozirda Janubiy Koreya harbiylari dushman tomonga qarshi javob choralarini ko‘rayotganligi maʼlum qilindi.

Tez fursatlarda Yeonpyondo va Paengneondo orollarida joylashgan Janubiy Koreya bo‘linmalari tomonidan artilleriya otishmalariga javoban jonli otishma mashqlari boshlandi.

Janubiy Koreya qo‘shinlari Sariq dengizdagi orollarda o‘tkazilgan mashg‘ulotlar davomida 400 ga yaqin snaryad otgani maʼlum qilindi.

• Janubiy Koreya
• Shimoliy Koreya
• Urush