Oʻzbekiston Respublikasi Prezidentining 2022-yil 30-aprelda qabul qilingan “Ichki turizm xizmatlarini diversifikatsiya qilishga oid qoshimcha chora-tadbirlar toʻgʻrisida”gi qarori ijrosini taʼminlash maqsadida Turizm va madaniy meros vazirligi hamda Qashqadaryo viloyati hokimligi tomonidan joriy yilning 8-12-avgust kunlari “Yoshlar turizmi” qurultoyi oʻtkazilmoqda.

Qurultoyning ilk kunida, yaʼni 8-avgust kuni bir qator jurnalist va blogerlar ishtirokida sayohat uyushtirildi. Sayohat Shahrisabz shahridagi tarixiy yodgorliklar, betakror tabiat qoʻyni, ilmiy tadqiqot markazlarida tashkil etildi.

Dastlab, Shahrisabz shahrida joylashgan Amir Temur maydonidagi hunarmandlar klasteriga borildi.

Shundan soʻng, Oqsaroy majmuasiga tashrif buyurildi va u yerdagi tarixiy yodgorliklar oʻrganildi.

Sayohat davomida “Amir Temur daxmasi” yodgorligi ham ziyorat etildi.

Ilk kungi sayohatning soʻnggi qismi Kitob observatoriya kompleksida oʻtkazildi. U yerda 1975- yillarda yasalgan ulkan teleskoplar orqali dastlab Oy, soʻngra Saturn sayyorasini namoyish etishdi.

• Shahrisabz
• sayohat