Mamlakat bosh vazirining fikricha, Amerika va Kanada harbiy samolyotlari noma’lum obyektni urib tushirgan
Kanada Bosh vaziri Jastin Tryudo Twitter’da Amerika va Kanada harbiy samolyotlari mamlakat shimoli-g‘arbi osmonida noma’lum obyekt urib tushirilganini ma’lum qildi.
“Men Kanada havo hududini buzgan noma’lum obyektni urib tushirishni buyurdim. Shimoliy Amerika Aerokosmik Mudofaa Qo‘mondonligi (NORAD) vazifani a’lo darajada bajardi”, – deydi Tryudo.
Hukumat rahbari nishonga amerikaning F-22 qiruvchisi tomonidan zarba berilganini aytdi. Uning qo‘shimcha qilishicha, harbiylar urib tushirilgan ob’yekt qoldiqlarini chiqarib olish va o‘rganishni rejalashtirmoqda.
Tryudo, shuningdek, AQSH prezidenti Jo Bayden bilan nima sodir bo‘layotganini muhokama qildi va qo‘mondonlik Shimoliy Amerikani himoya qilish uchun NORAD’ga minnatdorchilik bildirdi.
Avvalroq NORAD vakillari Shimoliy Kanada osmonida noma’lum havo obyektini kuzatishni boshlaganini ma’lum qilgandi.
Qayd etilishicha, mudofaa vaziri Anita Anand Kanada osmonidagi noma’lum jism fuqaro aviatsiyasi uchun xavf tug‘dirganini ma’lum qilgan.
Uning ta’kidlashicha, obyekt taxminan 4000 metrdan sal ko‘proq balandlikda uchgan.
Eslatib o‘tish mumkin, o‘tgan hafta Janubiy Karolina sohillari yaqinida amerikalik harbiylar xitoyliklarning havo sharini urib tushirdi. O‘shanda rasmiylar uni Xitoy josuslik dasturining bir qismi sifatida baholagan. Pekin bu ayblovlarni rad etgan va bu obyekt yo‘nalishidan og‘ib ketgan meteorologik zond bo‘lganini bildirgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!