Kivining kundalik taomnomada boʻlishi yurak-qontomir va saraton kasalliklarining oldini olishga katta yordam beradi. Bu haqida nutritsiolog Anna Drobisheva maʼlum qildi.

Ekspertning aytishicha, kivining eng foydali jihati – arteriyalarni yopib qoʻyuvchi yogʻlarni eritib yuborishi hisoblanadi.

“Organizmida lipidlar almashinuvi buzilgan odamlar uchun kivi isteʼmoli juda ham foydali. Ushbu meva C vitamini, foliy kislotasi hamda B6 vitaminiga boy, avitaminozning oldini olish uchun kivi isteʼmol qilish ayni muddao”, dedi shifokor.

Kivi kollagen ishlab chiqarilishini ragʻbatlantiradi, sochlarning erta oqarib ketishiga qarshi kurashadi, shu sababdan uni “Goʻzallik va yoshlik mevasi” deb taʼriflash mumkin.

Kivi isteʼmoli homilador ayollarga ham tavsiya etiladi. Uning tarkibidagi kaliy homila va ona yuragining meʼyorida ishlashi, organizm tomonidan temir moddasining oson singdirilishiga yordam beradi, qabziyat muammosini bartaraf etadi.

• Foydali
• qiziqarli
• salomatlik