Hayvonlar yoqimli, mehribon, bizni xursand qiladi va ularni kuzatish stressni yengillashtiradi. Lekin biz nafaqat mushuk va itlarni yaxshi ko‘ramiz, shuningdek, mikroblar ham ularga befarq emas. Ushbu maqolada hayvonlardan kasallik yuqtirmaslik haqida fikr yuritamiz. Chunki insoniyat uchun koronavirus va maymunchechakning o‘zi yetarli.

Barcha hayvonlarning o‘ziga xos bakteriya va viruslari bor. Ushbu mikroorganizmlarning aksariyati odamlar uchun xavfli emas. Ammo hayvonlardan odamlarga yuqishi mumkin bo‘lgan zoonotik kasalliklar mavjud.

Zoonozlar virusli, bakterial yoki qo‘ziqorinli bo‘lishi mumkin. Shu tarzda siz parazitlarni ham tanagizga qabul qilishingiz ehtimoli yuqori.

Viruslar va bakteriyalar hayvonlarning o‘zaro aloqalari, har doim ham ozoda joylarda bo‘lmasligi va shunga o‘xshash holatlar sabab ularning tanasiga joylashib oladi. Ularni ko‘chada uchratgan va bir bor bo‘lsa-da tegingan yo‘lovchi o‘sha mikroblarning ma’lum bir qismini o‘zi bilan olib ketadi.

Bunday bog‘liqlikni to‘xtatish uchun shunday holatdan so‘ng qo‘lni yaxshilab yuvish yoki ularni antiseptik bilan ta’minlash kifoya.

Ammo boshqa, xavfliroq yuqish usullari mavjud:

Havo orqali. Nafas olish yo‘llariga kiradigan ornitozlar hayvonlar va qushlarning hidlari orqali ham bir joydan ikkinchi manzilga ko‘chishi mumkin. Shuning uchun, hatto kaptar boqmoqchi bo‘lsangiz ham, ularga uzoq masofadan turib yegulik berish yaxshiroq.

Mushuk yoki itlarning tirnash yoki tishlash xususiyati dahshatli quturish kasalligiga olib kelishi mumkin.

Keyin nima qilish kerak?

Har qanday tashqi hayvonlar bilan aloqa qilganingizdan keyin qo‘lingizni yuving va uy hayvonlarini muntazam ravishda veterinarga vaksinasiya va tekshiruvlar uchun olib boring.

Kabutarlarga esa imkon boricha tegmang, ularni yaqin atrofda ovqatlantirmang.
Eng muhimi – agar ko‘chada biror hayvon sizni tishlasa, imkon boricha tezroq shifokonga borish muhimdir. Bunday masalada emlashlarga tayanish afzalroqdir.

• Hayvon
• Kasallik
• Shifokor
• Virus