Mutaxassislar koʻz yosh toʻkishga qanday sabab turtki boʻlganidan qatʼiy nazar uning salomatlik uchun foydali ekanligini maʼlum qildilar. Yosh toʻkish koʻzlarni turli infeksiyalar, yalligʻlanish va quruqlikdan himoya qiladi, ruhiy zoʻriqish va stressga qarshi kurashishga yordam beradi.

Koʻz yoshlar qanday sabab tufayli hosil boʻlishiga qarab bir nechta turga boʻlinadi. Misol uchun, koʻz ichiga chang zarralari tushganda yoki piyoz toʻgʻraganda koʻzlar yoshlanishi mumkin. Bunday koʻz yosh tarkibining asosini suv tashkil qiladi va u koʻrish qobiliyatini yaxshilaydi.

His-tuygʻular tufayli toʻkiladigan koʻz yoshlarning tarkibi esa suv, adrenalin, kortizol, oksitotsin va endorfin gormonlaridan iborat boʻladi. Bunday koʻz yosh turi ruhiy bosim, ogʻriq hamda stressdan qutulishga yordam beradi.

• Foydali
• qiziqarli
• salomatlik
• tadqiqot