O‘zbekisto milliy axborot agentligining bergan xabariga ko‘ra, joriy yil “Kapitalbank” ATBdan olingan kreditning oylik to‘lovlari doimiy ravishda to‘lanmay kelingani bois fuqaroga nisbatan majburiy ijro chorasi ko‘rilgan. Bunda fuqarolik ishlari bo‘yicha Mirobod tumanlararo sudining ijro varaqasiga asosan qarzdor A.T.dan undiruvchi “Kapitalbank” ATB foydasiga 66 mln. 55 ming so‘m qarzdorlik undirish to‘g‘risidagi ijro hujjati chiqarilgan. Ijro hujjati asosida byuroning Sergeli tuman bo‘limi davlat xodimi Sh.Ergashev tomonidan olib borilgan majburiy ijro harakatlari davomida qarzdorga tegishli Spark rusumli avtotransport vositasi elektron onlayn auksionga qo‘yilgan. Shuningdek, moddiy zararni o‘z vaqtida to‘lamagan qarzdorning avtotransport vositasi xatlangan.

Byuro ish yurituvidagi ijro hujjatlari yuzasidan majburiy ijro harakatlariga kirishishdan avval qarzdorga 15 kungacha bo‘lgan ixtiyoriy muddat beriladi. Ijro hujjati talablarini ixtiyoriy muddatda bajarmagan qarzdorga nisbatan majburiy ijro choralari ko‘riladi. Shunday choralardan biri qarzdorning mol-mulkini xatlashdir.

Yana bir qarzdor bir fuqarodan olgan qarzini ogohlantirishlarga qaramasdan uzoq vaqtdan buyon qaytarishdan bosh tortib kelgan. Bu ish yuzasidan Majburiy ijro byurosining Mirobod tuman bo‘limi ish yurituvidagi jinoyat ishlari bo‘yicha Mirzo Ulug‘bek tuman sudining ijro varaqasi taqdim etilgan. So‘ngra qarzdor D.P.dan undiruvchi U.X. foydasiga 50 mln. 597 ming so‘m moddiy zarar undirish to‘g‘risidagi ijro hujjati yuzasidan fuqarodan Spark rusumli avtotransport vositasi davlat ijrochisi Z.Jahongirov tomonidan tegishli tartibda xatlanib, jarima maydonchasiga joylashtirib realizatsiya qilish choralari ko‘rilmoqda.

• Avtomobil
• Jarima
• Kredit
• MIB
• Spark
• Sud