Kuchli ta’sir qiluvchi dori vositalarining muomalaga kiritilishining oldi olindi. Bu haqda Bosh Prokratura huzuridagi Departamenti ma’lum qildi.

Departamentning Yangihayot tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda, fuqaro M.A. boshqaruvidagi “Nexia-3” rusumli avtotransport vositasi ko‘zdan kechirilganda, 1 ming 50 dona “NIRIKAL” nomli kuchli ta’sir qiluvchi dori vositalarini o‘tkazish maqsadida olib kelayotganligi aniqlanib, ashyoviy dalil sifatida olingan.

Mazkur holat yuzasidan Jinoyat kodeksining 251-1-moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.

• Bosh prokuratura
• Departament
• Psixatrop