2°
Kechasi -1°
1-mart – taniqli oʻzbek shoirasi Zulfiyaxonim dunyoga kelgan kun. Shuningdek, aynan mana shu sanada dunyodagi birinchi milliy bogʻ ochilgan, F vitamin kashf qilingan.
Zulfiyaxonim tavallud topgan kun
Zulfiya Isroilova 1915-yilning 1-mart sanasida Toshkentda dunyoga kelgan. Sheʼriyatdagi qizgʻin ijodi, jurnalistik va tarjimonlik faoliyati bilan nafaqat oʻzbek hali, balki xorijlik muxlislar qalbidan ham joy egallagan.
Zulfiya – oʻzbek ayolining sadoqati timsoliga aylangan. 1935 yilda shoir Hamid Olimjon bilan oila qurgan shoira oradan 9 yil oʻtib turmush oʻrtogʻining fojiali oʻlimidan keyin ikki nafar farzandi bilan yolgʻiz qolgan. Ammo, tushkunlik uni ijoddan toʻxtata olmagan. Zabardast ijodkor oʻrta osiyolik eng mashhur shoiralardan biri hisoblanadi.
Zulfiyaxonim Javoharlal Neru nomidagi va “Nilufar” xalqaro mukofotiga sazovor boʻlgan, “Oʻzbekiston qahramoni” unvoni bilan taqdirlangan. Shuningdek, isteʼdodli qizlar uchun Zulfiya nomidagi Davlat mukofoti taʼsis etilgan.
Dunyodagi birinchi Milliy bogʻ ochilgan kun
1872-yilning 1-mart kuni dunyodagi birinchi milliy bogʻ – AQShdagi Yelloustoun bogʻi oʻz faoliyatini boshlagan. U Amerikaning Vayoming shtatida, qadimgi supervulqon kraterida joylashgan. Bu yerga har yili millionlab sayyohlar turli-tuman geyzerlarni tomosha qilish uchun tashrif buyurishadi.
Bogʻ hududida dunyodagi eng katta va ayni vaqtda uyqu holatida boʻlgan Yelloustoun vulqoni bor. U 2 million yillik tarixida atigi 3 marta uygʻongan. Vulqonshunoslar Yelloustounning istalgan vaqtda uyqudan bosh koʻtarishi mumkin ekanligini aytishadi.
F vitamini kashf etilgan
1928-yilning 1-mart kuni F vitamini kashf qilingan. U yarimtoʻyingan yogʻ kislotalari kompleksi boʻlib, nomi ingliz tilidagi “fat” – “yogʻ” soʻzining birinchi harfidan olingan. F vitamini odam organizmida ishlab chiqarilmaydi, inson uni faqatgina tashqaridan, oziq-ovqat va vitamin komplekslari yordamida qabul qilishi mumkin.
F vitamini oʻsimlik yogʻi, yongʻoq, bodom, qovoq urugʻlari, yogʻli baliq, tuxum hamda avokado tarkibida mavjud.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
