Futbol bo‘yicha Fransiya Kubogining 1/32 final bahsida O‘zbekiston MTJ a’zosi Abduqodir Husanov to‘p suradigan “Lans” klubi “PSJ” bilan uchrashdi.

O‘yinning 66-daqiqasida burchak zarbasidan so‘ng Husanov darvozaga zarba yo‘lladi. To‘p jamoadoshi Nzolaga tegib Safonov qo‘riqlayotgan darvozaga yo‘l oldi. Bahsning 70-daqiqada portugaliyalik Gonsalu Ramush hisobni tenglashtirdi.

Uchrashuvning asosiy vaqti durang bilan yakunlangach, g‘olib penaltilar seriyasida aniqlanadigan bo‘ldi. Penaltilar seriyasidan oldin Husanov jarohati sabab zaxiraga olingan edi. Seriyada “PSJ” posboni ikkita seyf ijro etgan holda jamoasining nimchorak finalga yo‘l olishini ta’minladi.

Sofascore nashri ushbu uchrashuvda asosiy tarkibda maydonga tushgan Abduqodir Husanovning o‘yinini 7 ballga baholadi.

Fransiya Kubogi.

1/32 final

22-dekabr, yakshanba

“Lans” — “PSJ” 1:1

Penaltilar seriyasi — 3:4.

• Fransiya
• Futbol