Belarus prezidenti Aleksandr Lukashenko o‘z mamlakatiga tajovuz sodir bo‘lgan taqdirdagina Ukrainaga qarshi ruslar bilan jang qilishga tayyorligini ma’lum qildi.

"Men Belarus hududidan ruslar bilan hozirgacha faqat bitta holatda jang qilishga tayyorman: agar u yerdan (Ukrainadan ) hech bo'lmaganda bitta askar Belorussiya hududiga mening xalqimni o'ldirish uchun kelsa. Agar ular Belarusga qarshi tajovuz qilishsa, javob beriladi. Bunda urush esa butunlay boshqacha tus oladi",– dedi Lukashenko.

Lukashenkoning qayd etishicha, bu nafaqat Ukrainaga, balki boshqa qo‘shnilarga ham tegishli.

"Biz urush nima ekanligini bilamiz. Biz urushni xohlamaymiz. Va har qanday holatda ham biz oʻz qoʻshinlarimizni Ukraina hududiga yubormoqchi emasmiz. Agar u yerdan Belarus hududiga tajovuz qilmasangiz. Mana mening javobim. Aslida bu ancha oldin berilgan edi”,– dedi Belarus prezidenti.

Shu bilan birga, u Rossiya Belarusning ittifoqchisi ekanligini, mamlakatlar qo‘shma harbiy guruhga ega ekanligini eslatdi. Ammo shunga qaramay, Rossiya hech qachon Belarusdan Ukrainaga qarshi urush boshlashni so'ramagan.

• Belarus
• Lukashenko
• Urush