Kecha, 31-avgust kuni Shayxontohur tumanidagi Alisher Navoiy kinosaroyida "Mahallada obodlik va mehr-saxovat oyligi" doirasida kengaytirilgan yig‘ilish o‘tkazildi.

Unda Prezident Administratsiyasi vakillari, Toshkent shahar prokuraturasi, Ichki ishlar bosh boshqarmasi, Milliy gvardiya, kommunal xizmatlar, Boshqaruv servis kompaniyalari, "Mahalla" uyushmasi mutasaddilari hamda poytaxtdagi barcha mahalla fuqarolar yig‘inlari raislari ishtirok etdi. Jami 1 200 nafarga yaqin mas’ul va rahbar qatnashdi.

Yig‘ilishda mahallalarni yanada obod qilish, kuz-qish mavsumiga puxta tayyorgarlik ko‘rish va aholi bandligini oshirish bo‘yicha ustuvor vazifalar belgilandi. Xususan:

🔵 ko‘chalar, hovlilar, ariq va xiyobonlarni obodonlashtirish hamda ko‘kalamzorlashtirish ishlarini jadallashtirish;

🔵 mahallalarda infratuzilma muammolarini hal etishga qaratilgan loyihalarni ishlab chiqish va aholi ishtirokida shakllantirish;

🔵 ishsiz fuqarolarni daromadli mehnatga yo‘naltirish bo‘yicha mahalla bankirlari bilan tizimli ishlash;

🔵 kommunal xizmatlar faoliyatini yaxshilash va debitor qarzdorlikni qisqartirish yuzasidan aniq topshiriqlar berildi.

Mazkur chora-tadbirlar mahallalarda obod muhitni yaratish, infratuzilmani yaxshilash, aholi bandligini ta’minlash va hududlarning kuz-qish mavsumiga tayyorgarligini yanada mustahkamlashga xizmat qiladi.

• Mahalla
• Prezident Administratsiyasi