“Manchester Siti” va Londoning “Vest hem” jamoalari o‘zaro futbolchi almashishi mumkin. Ba’zi nashrlar xabsriga ko‘ra, Deklan Rays Londonni Manchesterga almashtirishi mumkin. Buning uchun “Siti” “Bolg‘achilar”ga Kelvin Fillipsni bermoqchi.

“Vest Hem”da hamma Deklan Raysni kelasi yozda jamoani tark etadi deb hisoblaydi va rahbariyat uni Kelvin Fillipsga almashtirish fikrini ko‘rib chiqishga tayyor.

Deklan Raysga APLning bir nechta klubidan jiddiy takliflar bor. Xususan, “Arsenal”, “Chelsi” jamoalari 23 yoshli futbolchiga o‘z liboslarini taqdim etishga tayyor.

London klubi futbolchisi ushbu mavsum APLda 18-o‘yinda qatnashdi. Uning hisobida 1 ta gol va 2 ta golga assistentlik mavjud.

Transfermarkt portalida uning transfer qiymati 80 million etib belgilangan.

• APL
• London
• Manchester Siti
• Transferlar