Shu yilning 14-dekabr kuni soat 13:00 atrofida Marg‘ilon shahrida Tahoe va Tico mashinalari ishtirokida YTH sodir bo‘lgani haqida ma’lum qilgan edik. Ayni paytda mazkur holat yuzasidan jinoyat ishi qo‘zg‘atilgan. Bu haqda Farg‘ona viloyati IIB matbuot xizmati xabar qilmoqda.

Ma’lum bo‘lishicha, 2023-yil 14-dekabr kuni soat 13:00 larda Marg‘ilon shahar A.Yassaviy-Tinchlik ko‘chalari kesishgan chorrahasi avtomobil yo‘lida fuqaro M.Y Chevrolet Tahoe-2 avtomashinasini boshqarib ketayotib, o‘ziga nisbatan qarama-qarshi yo‘nalishga o‘tib, ushbu yo‘nalishda harakatlanib kelayotgan fuqaro S.T. boshqaruvidagi Tico rusumli avtomashinaga urilib, yo‘l transport hodisasini sodir etgan.

Natijada Tico rusumli avtomashina haydovchisi S.T. tan jarohati olib, davolanish uchun shifoxonaga murojaat qilgan.

Marg‘ilon shahar tibbiyot birlashmasi shifokorining bergan ma’lumotnomasiga ko‘ra, S.T.da og‘ir tan jarohati – bosh miya chayqalishi, bosh miya travmasi, chap oyoq sinishi va boshqa jarohatlari borligi aniqlangan.

Mazkur holat yuzasidan M.Y.ga nisbatan Marg‘ilon shahar IIB huzuridagi tergov bo‘limi tomonidan Jinoyat kodeksining 266-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

• Farg‘ona
• Marg'ilon
• Sud
• YTH